MyanMenu ဝန်ဆောင်မှုဆိုင်ရာ အမေးအများဆုံး မေးခွန်းများ (FAQs)

အပိုင်း (၁) - MyanMenu အကြောင်း ယေဘုယျ မေးခွန်းများ

မေး ၁။ MyanMenu ဆိုတာ ဘာလဲ။

ဖြေ - MyanMenu သည် စားသောက်ဆိုင်များ၊ ဟိုတယ်စားသောက်ဆိုင်များနှင့် လုပ်ငန်းများအတွက် ရေးဆွဲထားသည့် Cloud-based Restaurant Management System (RMS) ဖြစ်ပါသည်။ ၎င်းတွင် Table QR၊ E-Menu၊ POS၊ Inventory၊ CRM စသည့် ဆက်စပ် Feature များ ပါဝင်ပါသည်။

မေး ၂။ MyanMenu ကို ဘယ်သူတွေ အသုံးပြုနိုင်လဲ။

ဖြေ - စားသောက်ဆိုင်များ၊ ကော်ဖီဆိုင်များ၊ ဟိုတယ်များ၊ Bakery များ၊ Food Court များနှင့် အခြား စားသောက်ဆိုင်ဆိုင်ရာ လုပ်ငန်းများ အသုံးပြုနိုင်ပါသည်။

မေး ၃။ MyanMenu ကို ဘယ်လို အသုံးပြုရမလဲ။

ဖြေ - myanmenu.com တွင် စာရင်းသွင်းပြီး၊ သင့်လျော်သည့် ဝန်ဆောင်မှု အစီအစဉ်ကို ရွေးချယ်ကာ အသုံးပြုနိုင်ပါသည်။ အသေးစိတ်အတွက် Contact Us စာမျက်နှာမှတစ်ဆင့် ဆက်သွယ်နိုင်ပါသည်။

မေး ၄။ MyanMenu သည် မည်သည့် Platform များတွင် အလုပ်လုပ်ပါသလဲ။

ဖြေ - MyanMenu သည် Cloud-based စနစ်ဖြစ်ပြီး၊ Web Browser၊ Tablet နှင့် မိုဘိုင်း Device များတွင် အသုံးပြုနိုင်ပါသည်။ အင်တာနက် ပြတ်တောက်သည့်အခါများတွင်ပင် လုပ်ငန်း မရပ်တန့်စေရန် Hybrid Offline Mode ဖြင့် တည်ဆောက်ထားပါသည်။

အပိုင်း (၂) - ဝန်ဆောင်မှု အစီအစဉ်နှင့် သက်တမ်း

မေး ၁။ MyanMenu တွင် မည်သည့် ဝန်ဆောင်မှု အစီအစဉ်များ ရှိပါသလဲ။

ဖြေ - ဝန်ဆောင်မှု အစီအစဉ်များ၏ အသေးစိတ်ကို သီးခြား သဘောတူညီချက်တွင် သတ်မှတ်မည် ဖြစ်ပါသည်။ အသေးစိတ် သိရှိလိုပါက Contact Us စာမျက်နှာမှတစ်ဆင့် ဆက်သွယ်နိုင်ပါသည်။

မေး ၂။ Subscription သက်တမ်း ကုန်ဆုံးပါက ဘာဖြစ်မလဲ။

ဖြေ - Subscription သက်တမ်း ကုန်ဆုံးပါက ဝန်ဆောင်မှု ပေးအပ်သူသည် Service Extension Bill ကို ပေးပို့မည် ဖြစ်ပါသည်။ ဝန်ဆောင်မှု အသုံးပြုသူသည် မိမိဆန္ဒရှိပါက သက်တမ်းကို တိုးချဲ့နိုင်ပါသည်။ သက်တမ်း တိုးချဲ့ခြင်း မပြုလိုပါက မည်သည့် တာဝန်မျှ ရှိမည် မဟုတ်ပါ။

မေး ၃။ ဝန်ဆောင်မှု သက်တမ်း တိုးချဲ့ရန် ဘယ်လို လုပ်ရမလဲ။

ဖြေ - သက်တမ်း တိုးချဲ့လိုပါက ဝန်ဆောင်မှု ပေးအပ်သူမှ ပေးပို့သည့် Service Extension Bill အတိုင်း ဆောင်ရွက်ပြီး၊ သတ်မှတ်ထားသည့် နည်းလမ်းအတိုင်း ဆက်သွယ် ဆောင်ရွက်နိုင်ပါသည်။

မေး ၄။ ဝန်ဆောင်မှု အစီအစဉ် အဆင့်မြှင့်လိုပါက ဘယ်လို လုပ်ရမလဲ။

ဖြေ - Plan အဆင့်မြှင့်လိုပါက ဝန်ဆောင်မှု ပေးအပ်သူနှင့် သီးခြား သဘောတူညီချက် ရယူရမည် ဖြစ်ပါသည်။ Contact Us စာမျက်နှာမှတစ်ဆင့် ဆက်သွယ် ဆောင်ရွက်နိုင်ပါသည်။

အပိုင်း (၃) - စနစ် အသုံးပြုမှုဆိုင်ရာ မေးခွန်းများ

မေး ၁။ စနစ်သည် AS-IS နှင့် AS-Available ဆိုသည်မှာ ဘာကို ဆိုလိုပါသလဲ။

ဖြေ - AS-IS ဆိုသည်မှာ ဝန်ဆောင်မှု ပေးအပ်သူ၏ မူလ Standard စနစ်အတိုင်း ရေးဆွဲထားသော Feature များ၊ UI/UX ဒီဇိုင်းနှင့် Performance Benchmark များကို ဆိုလိုပါသည်။ AS-Available ဆိုသည်မှာ လက်ရှိ စနစ်၏ လည်ပတ်နိုင်စွမ်းနှင့် ဝန်ဆောင်မှု ပေးနိုင်သည့် အခြေအနေကို ဆိုလိုပါသည်။ ဆိုလိုသည်မှာ စနစ်ကို လက်ရှိ ရှိရင်းစွဲ အခြေအနေအတိုင်း အသုံးပြုခွင့် ပေးအပ်ခြင်း ဖြစ်ပါသည်။

မေး ၂။ Search ရလဒ်များ ပြသမှု အရေအတွက် ကန့်သတ်ထားခြင်းသည် Bug လား။

ဖြေ - မဟုတ်ပါ။ Search ရလဒ်များ ပြသမှု အရေအတွက် ကန့်သတ်ချက်ထားခြင်း၊ စာတစ်မျက်နှာတွင် ပြသမှု ခွဲခြားခြင်း (Pagination)၊ မိုဘိုင်း အပြင်အဆင် ကန့်သတ်ချက်များ၊ နှင့် Data ပြသမှု ပမာဏ ဒီဇီုင်း ပုံစံ သတ်မှတ်ထားခြင်းတို့သည် စနစ်၏ အသုံးပြုရ လွယ်ကူ အဆင်ပြေစေမှု၊ မြန်ဆန်မှု၊ နှင့် တည်ငြိမ်မှုကို ထောက်ပံ့ထိန်းသိမ်းနိုင်စေရန်အတွက် မူလကတည်းက စနစ်တကျ ရေးဆွဲထားသည့် Standard Logic များ ဖြစ်ပါသည်။ ၎င်းတို့သည် စနစ် ချို့ယွင်းချက် (Bug) မဟုတ်ပါ။

မေး ၃။ စနစ် ချို့ယွင်းချက် (Bug) ဆိုတာ ဘယ်လို သတ်မှတ်ပါသလဲ။

ဖြေ - စနစ်၏ တရားဝင် ဖော်ပြထားသော မူလ Standard အတိုင်း အလုပ်မလုပ်ဘဲ ရပ်တန့်သွားခြင်း သို့မဟုတ် သတ်မှတ်ထားသော စနစ် စွမ်းဆောင်ရည် လွဲမှားသွားခြင်းကိုသာ "စနစ်ချို့ယွင်းချက် (Defect/Bug)" ဟု သတ်မှတ်ပါသည်။

မေး ၄။ စနစ် ချို့ယွင်းချက် တွေ့ရှိပါက ဘယ်လို လုပ်ရမလဲ။

ဖြေ - စနစ် ချို့ယွင်းချက် (Defect/Bug) များ တွေ့ရှိပါက ဝန်ဆောင်မှု ပေးအပ်သူထံ အမြန်ဆုံး အသိပေးရမည် ဖြစ်ပါသည်။ ပြုပြင်ရန် ကြာမြင့်ချိန်သည် ချို့ယွင်းချက်၏ ပြင်းထန်မှုအပေါ် မူတည်ပါသည်။

မေး ၅။ စနစ် ချို့ယွင်းချက် ဟုတ်/မဟုတ် ဘယ်သူ ဆုံးဖြတ်ပါသလဲ။

ဖြေ - စနစ် ချို့ယွင်းချက် ဟုတ်/မဟုတ် ဆုံးဖြတ်ခြင်းနှင့် ပတ်သက်၍ ဝန်ဆောင်မှု ပေးအပ်သူ၏ နည်းပညာဆိုင်ရာ ဆုံးဖြတ်ချက်သည် အတည်ဖြစ်ပါသည်။

အပိုင်း (၄) - Customization နှင့် Change Request ဆိုင်ရာ မေးခွန်းများ

မေး ၁။ ကျွန်ုပ်၏ လိုအပ်ချက်အရ စနစ်ကို ပြင်ဆင်လိုပါက ရနိုင်ပါသလား။

ဖြေ - ဝန်ဆောင်မှု အသုံးပြုသူ၏ သီးသန့် လိုအပ်ချက်အရ မူလ Standard Logic များကို ပြောင်းလဲခြင်း၊ ပြသသည့် အကန့်အသတ်များကို တိုးချဲ့ခြင်း သို့မဟုတ် UI/UX အပြင်အဆင်များကို သီးသန့် ပြင်ဆင်ပေးရန် တောင်းဆိုခြင်းများသည် Standard Subscription ဝန်ဆောင်မှု Scope ပြင်ပ (Out-of-Scope) ဖြစ်ပါသည်။ သို့သော် Change Request (CR) အဖြစ် သီးခြား စိစစ် အကဲဖြတ်မည် ဖြစ်ပါသည်။

မေး ၂။ Change Request (CR) ဆိုတာ ဘာလဲ။

ဖြေ - Change Request (CR) ဆိုသည်မှာ ဝန်ဆောင်မှု အသုံးပြုသူ၏ သီးသန့် လိုအပ်ချက်အရ မူလ Standard Logic များကို ပြောင်းလဲခြင်း၊ ပြသသည့် အကန့်အသတ်များကို တိုးချဲ့ခြင်း သို့မဟုတ် UI/UX အပြင်အဆင်များကို သီးသန့် ပြင်ဆင်ပေးရန် တောင်းဆိုခြင်းကို ဆိုလိုပါသည်။

မေး ၃။ Change Request တောင်းဆိုပါက ဘယ်လို လုပ်ငန်းစဉ် ရှိပါသလဲ။

ဖြေ -
(က) ထို တောင်းဆိုမှုကို သီးသန့် Change Request (CR) အဖြစ် သီးခြား စိစစ် အကဲဖြတ်မည် ဖြစ်သည်။
(ခ) ဝန်ဆောင်မှု ပေးအပ်သူသည် ထို ပြင်ဆင်မှုအတွက် နည်းပညာအရ လုပ်ဆောင်နိုင်စွမ်း၊ ကြာမြင့်ချိန်နှင့် ကုန်ကျစရိတ်များကို သီးသန့် တွက်ချက် တောင်းခံပိုင်ခွင့် ရှိသည်။
(ဂ) နှစ်ဦးနှစ်ဖက် သဘောတူညီချက် ရရှိပြီးမှသာ ပြင်ဆင်မှု လုပ်ငန်းစဉ် စတင်မည် ဖြစ်သည်။

မေး ၄။ Change Request ကို ပယ်ချနိုင်ပါသလား။

ဖြေ - ရနိုင်ပါသည်။ ဝန်ဆောင်မှု အသုံးပြုသူမှ Change Request တောင်းဆိုလာပါက၊ ထို တောင်းဆိုမှုသည် သင့်လျော်မှု မရှိဟု ဝန်ဆောင်မှု ပေးအပ်သူက ဆုံးဖြတ်ပါက ပယ်ချပိုင်ခွင့် ရှိပါသည်။

မေး ၅။ Change Request ပြုလုပ်ပြီးနောက် နောက်ဆက်တွဲ ပြဿနာများ ဖြစ်ပေါ်ပါက ဘယ်သူ တာဝန်ယူမလဲ။

ဖြေ - ပြင်ဆင်မှု လုပ်ငန်းစဉ် ပြီးစီးပြီးနောက် ဖြစ်ပေါ်လာသည့် နောက်ဆက်တွဲ သက်ရောက်မှုများအတွက် ဝန်ဆောင်မှု ပေးအပ်သူသည် တာဝန်မရှိပါ။

မေး ၆။ Customization အတွက် ကုန်ကျစရိတ် ဘယ်လောက် ရှိပါသလဲ။

ဖြေ - ကုန်ကျစရိတ်သည် Change Request ၏ သဘောသဘာဝ၊ နည်းပညာ လုပ်ဆောင်နိုင်စွမ်းနှင့် ကြာမြင့်ချိန်ပေါ် မူတည်၍ သီးသန့် တွက်ချက် သတ်မှတ်မည် ဖြစ်ပါသည်။

အပိုင်း (၅) - ဝန်ဆောင်မှု ပံ့ပိုးမှုနှင့် နည်းပညာ အကူအညီ

မေး ၁။ နည်းပညာ အကူအညီ ဘယ်လို ရယူနိုင်ပါသလဲ။

ဖြေ - ဝန်ဆောင်မှု ပေးအပ်သူသည် ဝန်ဆောင်မှု အသုံးပြုသူအတွက် စနစ် အသုံးပြုမှုဆိုင်ရာ နည်းပညာ အကူအညီနှင့် သင်တန်းများကို ပေးအပ်မည် ဖြစ်ပါသည်။ myanmenu.com ရှိ Contact Us စာမျက်နှာမှတစ်ဆင့် ဆက်သွယ်နိုင်ပါသည်။

မေး ၂။ စနစ် Feature အသစ်များ ထည့်သွင်းပေးပါသလား။

ဖြေ - ဝန်ဆောင်မှု ပေးအပ်သူသည် စနစ်၏ Feature အသစ်များ၊ မွမ်းမံမှုများကို အချိန်နှင့်တပြေးညီ ထည့်သွင်းပေးမည် ဖြစ်ပြီး၊ ထိုသို့သော မွမ်းမံမှုများသည် Standard Subscription ၏ တစ်စိတ်တစ်ပိုင်းအဖြစ် အလိုအလျောက် ပါဝင်နိုင်ပါသည်။

မေး ၃။ သင်တန်း ပေးပါသလား။

ဖြေ - ဝန်ဆောင်မှု ပေးအပ်သူသည် စနစ် အသုံးပြုမှုဆိုင်ရာ စာရွက်စာတမ်း လမ်းညွှန်၊ ဗီဒီယို၊ နှင့် အထောက်အပံ့များကို ထောက်ပံ့ပေးပါသည်။ အသေးစိတ်အတွက် Contact Us စာမျက်နှာမှတစ်ဆင့် ဆက်သွယ်နိုင်ပါသည်။

အပိုင်း (၆) - ဒေတာ လုံခြုံရေးနှင့် ကာကွယ်မှု

မေး ၁။ ကျွန်ုပ်၏ ဒေတာများ လုံခြုံပါသလား။

ဖြေ - ဝန်ဆောင်မှု ပေးအပ်သူသည် ဝန်ဆောင်မှု အသုံးပြုသူ၏ ဒေတာများကို လုံခြုံစွာ ထိန်းသိမ်းရန် အစီအမံများ ဆောင်ရွက်မည် ဖြစ်ပါသည်။ ထို့အတူ ဝန်ဆောင်မှု အသုံးပြုသူသည် မိမိ၏ အကောင့် အချက်အလက်များနှင့် လျှို့ဝှက်ချက်များကို လုံခြုံစွာ ထိန်းသိမ်းရန် တာဝန်ရှိပါသည်။

မေး ၂။ Subscription သက်တမ်း ကုန်ဆုံးပါက ကျွန်ုပ်၏ ဒေတာများ ဘယ်လို ဖြစ်မလဲ။

ဖြေ - သဘောတူညီချက် ဖျက်သိမ်းပါက ဝန်ဆောင်မှု အသုံးပြုသူသည် စနစ်အတွင်းရှိ မိမိ၏ ဒေတာများကို သတ်မှတ်ကာလအတွင်း ထုတ်ယူရမည် ဖြစ်ပြီး၊ ထိုကာလ ကျော်လွန်ပါက ဒေတာများကို ဖျက်ဆီးနိုင်ပါသည်။

အပိုင်း (၇) - စည်းကမ်းချက်များနှင့် သဘောတူညီချက်

မေး ၁။ ဝန်ဆောင်မှု စည်းကမ်းချက်များကို ဘယ်အချိန်မှစ၍ လိုက်နာရမလဲ။

ဖြေ - ဝန်ဆောင်မှု အသုံးပြုသူသည် MyanMenu ဝန်ဆောင်မှုကို အသုံးပြုသည့်အချိန်မှစ၍ ဤစည်းကမ်းချက်များကို လိုက်နာရန် သဘောတူညီပြီး ဖြစ်သည်ဟု မှတ်ယူမည် ဖြစ်ပါသည်။

မေး ၂။ စည်းကမ်းချက်များကို ပြင်ဆင်မွမ်းမံနိုင်ပါသလား။

ဖြေ - MyanMenu သည် လိုအပ်ပါက ဤစည်းကမ်းချက်များကို ကြိုတင်အသိပေးခြင်း ရှိ/မရှိ ပြင်ဆင်မွမ်းမံပိုင်ခွင့် ရှိပါသည်။ ပြင်ဆင်မွမ်းမံထားသော စည်းကမ်းချက်များ (Updated Version) ကို တရားဝင် စာမျက်နှာ (Official Page) နှင့် သက်ဆိုင်ရာ နေရာများတွင် ထုတ်ပြန် အသိပေးမည် ဖြစ်ပါသည်။

မေး ၃။ ပြင်ဆင်မွမ်းမံထားသော စည်းကမ်းချက်များကို လက်ခံရမလား။

ဖြေ - ပြင်ဆင်မွမ်းမံထားသော စည်းကမ်းချက်များကို ဝန်ဆောင်မှု အသုံးပြုသူက ဆက်လက် အသုံးပြုပါက ထိုစည်းကမ်းချက်များကို လက်ခံသည်ဟု မှတ်ယူမည် ဖြစ်ပါသည်။

မေး ၄။ အငြင်းပွားမှု ဖြစ်ပွားပါက ဘယ်လို ဖြေရှင်းမလဲ။

ဖြေ - နှစ်ဦးနှစ်ဖက်အကြား အငြင်းပွားမှု ဖြစ်ပွားပါက ဝန်ဆောင်မှု ပေးအပ်သူ၏ တရားမျှတသော ဆုံးဖြတ်ချက်ဖြင့် ပြင်ဆင် ဖြေရှင်းရမည် ဖြစ်ပါသည်။ ဝန်ဆောင်မှု ပေးအပ်သူ၏ ဆုံးဖြတ်ချက်သည် နှစ်ဦးနှစ်ဖက် အပေါ် သက်ရောက်မှု ရှိပြီး၊ လိုက်နာရမည် ဖြစ်ပါသည်။

မေး ၅။ စည်းကမ်းချက် ချိုးဖောက်ပါက ဘာဖြစ်မလဲ။

ဖြေ - ဝန်ဆောင်မှု အသုံးပြုသူသည် စည်းကမ်းချက်များကို ချိုးဖောက်ပါက ဝန်ဆောင်မှု ပေးအပ်သူသည် ဝန်ဆောင်မှုကို ချက်ချင်း ရပ်ဆိုင်းခြင်း သို့မဟုတ် သဘောတူညီချက် ဖျက်သိမ်းခြင်း ပြုလုပ်ပိုင်ခွင့် ရှိပါသည်။

အပိုင်း (၈) - ဆက်သွယ်ရန်

မေး ၁။ MyanMenu အကြောင်း ပိုမို သိရှိလိုပါက ဘယ်လို ဆက်သွယ်ရမလဲ။

ဖြေ - myanmenu.com ရှိ Contact Us စာမျက်နှာမှတစ်ဆင့် ဆက်သွယ်နိုင်ပါသည်။

မေး ၂။ နည်းပညာ အကူအညီ လိုအပ်ပါက ဘယ်လို ဆက်သွယ်ရမလဲ။

ဖြေ - နည်းပညာ အကူအညီ လိုအပ်ပါက myanmenu.com ရှိ Contact Us စာမျက်နှာမှတစ်ဆင့် ဆက်သွယ်နိုင်ပါသည်။

မေး ၃။ ဝန်ဆောင်မှုနှင့် ပတ်သက်၍ စိုးရိမ်မှုများ ရှိပါက ဘယ်လို ဆက်သွယ်ရမလဲ။

ဖြေ - ဤစည်းကမ်းချက်များနှင့် ပတ်သက်၍ နောက်ထပ် မေးခွန်းများ သို့မဟုတ် စိုးရိမ်မှုများ ရှိပါက myanmenu.com ရှိ Contact Us စာမျက်နှာမှတစ်ဆင့် ဆက်သွယ်နိုင်ပါသည်။